சமீபத்தில் வெளியான ராட்சசன் மற்றும் போர் தொழில் போன்ற திகில் கலந்த திரில்லர் படங்களின் வரிசையில், சஸ்பென்ஸ் மற்றும் விறுவிறுப்புடன் மாபெரும் அசர்ச்சியை ஏற்படுத்தும் புதிய திரைப்படம் டெக்ஸ்டர் தயாராகியுள்ளது. இந்த படத்தை இயக்குனர் சூரியன்.ஜி பிரமாண்டமாக இயக்கியுள்ளார்.
சிறுவயதில் நடந்த அவமானங்களை மனதில் கொண்டு, அதை மறக்க முடியாமல் சைக்கோவாக மாறும் நபரின் கதையை மையமாக கொண்டுள்ள இப்படத்தில், அந்த சைக்கோவின் பிடியில் சிக்கிய இரண்டு முக்கிய பாத்திரங்கள் யாமினி மற்றும் புவி மற்றும் அவர்களைக் காப்பாற்ற ஆதி என்னும் கதாநாயகன் செய்த முயற்சிகள் சுவாரசியமாக உருவாக்கப்பட்டுள்ளன.
முன்னணியில் பிரமாண்ட தயாரிப்பு
ராம் எண்டர்டைனர்ஸ் நிறுவனம் தயாரித்துள்ள இப்படத்தை தமிழ், தெலுங்கு, மலையாளம் மூன்று மொழிகளில் வெளியிடுகிறார் தயாரிப்பாளர் பிரகாஷ் S.V.
படத்தின் முன்னணி நடிகர்களாக ராஜீவ் கோவிந்த் மற்றும் அபிஷேக் ஜார்ஜ் செயல்பட, கதாநாயகிகளாக யுக்தா பெர்வி மற்றும் சித்தாரா விஜயன் நடித்துள்ளனர். வில்லன்களாக ஹரிஷ் பெர்டி, அஷ்ரப் குருக்கள், மற்றும் சோபா பிரியா ஆகியோர் தங்கள் திறமையை வெளிப்படுத்தியுள்ளனர்.
பாடல்களும் சண்டைக் காட்சிகளும் சிறப்பு
இசையமைப்பாளர் ஸ்ரீநாத் விஜய், பாடலாசிரியர் மோகன்ராஜன் கூட்டாக இரண்டு பிரமாதமான பாடல்களை உருவாக்கியுள்ளனர். இதில், மனதை வருடும் “யாரோ யாரிவனோ காதல் பூக்கும் கானகனோ” மற்றும் நகைச்சுவையுடன் “மிளிரும் பின்னாலி சுழலும் விழிகாரி” பாடல்கள் பெரும் வரவேற்பை பெறும் என எதிர்பார்க்கப்படுகிறது.
இப்படத்தின் முக்கிய காட்சிகள் குடகு மலை, கே.ஜி.எஃப், ஓசூர், மற்றும் வயநாடு போன்ற இடங்களில் 45 நாட்களில் இரண்டு கட்டமாக படமாக்கப்பட்டது.
தொடர்புடைய தொழில்நுட்ப கலைஞர்கள்
- ஒளிப்பதிவு: ஆதித்ய கோவிந்தராஜ்
- படத்தொகுப்பு: ஸ்ரீனிவாஸ் பி.பாபு
- சண்டை பயிற்சி: அஷ்ரப் குருக்கள் மற்றும் கே.டி வெங்கடேஷ்
- நடனம்: சினேகா அசோக்
இந்நிலையில், படத்தின் இறுதிக்கட்ட பணிகள் நிறைவு பெற்றுள்ளதால், பிப்ரவரி மாதத்தில் வெளியாகும் என அறிவிக்கப்பட்டுள்ளது.
டெக்ஸ்டர், ஒரு சஸ்பென்ஸ் நிறைந்த திரில்லர், மாறுபட்ட கதையம்சத்துடன் திரையுலகில் புதிய அத்தியாயத்தை தொடங்கும் என நம்பப்படுகிறது.
suresh 